杨贵妃，你唔好话自己无地位啦，依家我呕心沥血为你写篇野啦，你睇完要写感想啊！
     突然之间叫我写篇野俾你，其实我都唔知写乜好啦......
     同你一齐都系年几之前噶事，虽然一齐噶时间唔长，但系你就带俾我好多噶回忆，经历左好多噶野，好多我都无忘记......
     仲记得你怕我冻，冲上宿舍6楼罗件衫俾我；仲记得我呢个刁蛮公主为难你，要你响课室冲左3次大卖部先买到我想食噶野，而你一句怨言都无；仲记得我病噶时候有你噶温柔照顾......所有噶所有，我都记得
     但系唔知点解我特别中意发你脾气，我日日都会同你吵，我总系觉得你做噶野都系好易激嬲我，你讲过呢D系情趣，但系情趣太多就唔系一件好事啦，令人觉得好无意思......
     其实你同我都应该清楚知道我地分开噶主要原因根本唔系我噶臭脾气，响你噶身上我感觉唔到果一种安全感，我觉得你唔系属于我一个人，我唔愿意同其他人一齐去分享你，所以我宁愿选择去放手。
     你话觉得我同你分开我无难过，其实我点会唔难过，系我难过你唔知，当初我选择放手去跟另一个，系我对唔住你，依家我都得到报应啦，日日都过住颓废噶日子。
     我系好中意依赖人地噶，以前我一直都系生活响你个圈入面，但系你个圈仲有另一个人，令到我噶存在反而变得多余，后来有另一个他将我带入左另一个圈，我竟然就深陷其中，变成一只迷途噶羔羊迷失响呢个圈，依家噶我无人俾我依赖，我惟有靠自己噶力量走出呢个圈，不过我单薄噶力量谈何容易啊。